Reseıdegi prezıdent saılaýy barlyǵy shamamen bir táýlikke — 22 saǵatqa sozyldy dep jazady RIA Novostı. 

Málimetterge súıesek, saılaý kezinde Vladımır Pýtın 76% daýys jınady. Ekinshi orynda KPRF úmitkeri Pavel Grýdının, sodan keıingi orynǵa LDPR lıderi Vladımır Jırınovskıı, odan soń Ksenıa Sobchak jaıǵasty. Kalǵan úmitkerler birde-bir paıyz daýys jınamaǵan.

Saǵat tańǵy 10-da Máskeýdegi saılaý búlletenderi arqyly  17%,saǵat  12-de — 35%, saǵat 3-terde — 50%, saǵat 6-da —  60% adam daýys bergen. Protokoldyń 91% jasalǵannan keıin 67%-dan asa adamnyń kelgeni belgili boldy.  Eń belsendi óńirler retine Tyva, Chýkotka, Kemerov oblysy, Sheshenstan jáne t.b ataldy. Sonymen birge Sankt-Peterbýrg pen Máskeý qalalarynda da halyq saılaýǵa belsendi qatysqan.

Saılaýdyń tehnıkalyq jabdyqtalýy joǵary dárejede ótken. Turǵyndardyń  80%-y arnaıy  vıdeobaqylaý ornatylǵan saılaý pýnktterinen daýys bergen.

Qyrymda Pýtın 92% , Sevastopolde 91% daýys jınaǵan.

Shetelde júrgen Reseı azamattary úshin 400 ýchaskelik saılaý pýnktteri uıymdastyryldy.