Qoǵam qaıratkeri Arýjan Saın óziniń Facebook paraqshasynda Abaı aýylynyń 7 jastaǵy turǵynyna qatysty aqparat jarıalady, dep habarlaıdy Qamshy.kz aqparat agenttigi. 

«1. 16 naýryzda anasy  balany «Asyl Bala» ortalyǵynan alyp ketti. Olar ýaqytsha «Analar úıinde» qalýdy uıǵardy.

2. Balanyń anasy memlekettik qorǵaýdan bas tartpady.

3. 17 naýryzda bala men anasy resmı ókilmen QR Bas Prokýratýraǵa bardy.

4. 17 naýryzda OQO polısıasynyń memlekettik qorǵanysyn Astanaǵa aýystyrdy.

5. 19 naýryzda tergeý áreketteri jalǵasady.
6. 16 naýryzda balanyń ápkesi men ájesi balanyń anasymen jáne balamen barmady. Basynda olardyń otbasymen keletinine senimdi edik.

7. Ájesin 17 naýryzda «Asyl Baladan» Astanada turatyn týysy alyp ketti. Balanyń anasynyń aıtýynsha, týysy ájesinen balaǵa belgisiz bireý alyp bergen barlyq oıynshyqty «Asyl Balada» qaldyrýdy suraǵan. Sodan beri ájesi men ápkesiniń telefony qosýly boldy. Olar Qurmanǵazy men týystarymen baılanysta boldy.

8. 18 naýryzda ájesi men ápkesi jolǵa shyǵar aldynda paketin tastap ketkendikten «Asyl Balaǵa» soǵýdy suraǵan. Aǵasyn ishke kirgizbegen. Bir jarym saǵat kútip, tońyp qalǵannan keıin aǵasy balanyń anasyna habarlasty. Balanyń ájesi men tátesiniń telefony qaıta óship qalǵan.

9. Anasy da balanyń ájesine qońyraý shala almaǵandyqtan, zańgerge habarlasyp, bizden anasynyń jaǵdaıyn bilip berýdi ótindi. Zańger Baýyrjan Azanov prokýratýraǵa habarlasty.

10. Otbasynyń zańdy ókili Qurmanǵazy «Asyl Balaǵa» keldi. Onda ony blogerler men basqa da adamdar qarsy aldy. Balanyń ájesi men ápkesi «Asyl Bala» ortalyǵynda shaı iship otyrǵany anyqtaldy. Sol ýaqytta aǵasyn nelikten kirgizbegeni túsiniksiz.

11. Balanyń ájesi men ápkesi ortalyqtan shyǵyp, týystarynyń úıine ketti. Onda balanyń anasymen kezdesti. Ájeniń telefony qaıta iske qosyldy.

12. Qazir zańger, bala men ananyń zańdy ókili tergeý jumystary úshin qajetti jumysyn istep jatyr.

13. Balanyń týystary men halyqtan kómek suraýǵa kómekteskenderge qatysty qaýipsizdik sharalary qabyldanady.

14. QR Bas prokýratýrasy OQO bilim berý mekemeleri, OQO İİD, OQO prokýratýrasynyń áreket etpeý, qylmysty jasyrý, óz laýazymdaryn asyra paıdalaný boıynsha tekserý jumystaryn bastady.

15. Balanyń anasy shoshyp qalǵan. Óziniń zańdy ókilderinen basqa eshkimge senbeıdi. Sondyqtan anasy balaǵa bireýdiń satyp bergen telefon/planshetin «Asyl Balada» tastap ketti. Anasy oǵan jańasyn alyp berýge ýáde berdi. Bala qatty jylaǵan bolatyn. Balaǵa jańa planshet satyp berdi.

16. Anasy balasy ekeýin tanys emes adamdarmen sóılestirmeýdi surady. Olardyń arasynda qoǵam qaıratkerleri men blogerlerge de bar» dep jazdy Arýjan Saın.

Arýjan Saın balaǵa kómekteskisi keletinderdiń kóp ekenin aıtady. Olar anasy, ájesi jáne balanyń zańdy ókilderiniń Astanaǵa barý jol aqysyn tólegenin jetkizdi

Bala men ananyń janynda psıholog Gúlzat Asanova da bar.

Arýjan Saın el basshylyǵyna alǵysyn bildirdi.

«İsti Bas prokýratýraǵa joldaǵany úshin el basshylyǵyna alǵysymyzdy bildiremiz. Tergeý jumystary obektıvti jáne qylmystyq-prosesýaldyq zańǵa sákes júrgiziledi dep úmittenemiz» dep jazdy Arýjan Saın.