19 naýryzda Oraldaǵy «Ýralskaıa nedelá» gazetiniń redaksıasyna polısıa kelip, basylym qyzmetkeri Aqmaral Shaıahmetovany alyp ketken, dep jazady Qamshy.kz aqparat agenttigi Azattyqqa silteme jasaı otyryp. 

Jýrnalısiń Azattyqqa aıtýynsha, polısıa ony Batys Qazaqstan oblystyq ishki ister departamentinde aparyp, «Qazaqstannyń demokratıalyq tańdaýy» qozǵalysyn áleýmettik jelide nasıhattap, qoldaǵany úshin eskertý berip, bosatqan.

Shaıahmetova birneshe kún buryn «jergilikti vıdeobloger Asqar Shaıǵumarovty QDT qozǵalysyn qoldady degen jeleýmen polısıaǵa shaqyrýyna qarsylyq» retinde jazba jarıalaǵan aıtady.

Shaıǵumarov 16 naýryzda vıdeo jarıalap, Qazaqstan bas prokýratýrasynyń QDT qozǵalysyn ekstremıstik uıym dep tanýyn synaǵan. Osy vıdeodan keıin ony polısıa shaqyryp, eskertý jasaǵan.

16 naýryzda Qazaqstannyń túkpir-túkpirinde birneshe adam jergilikti prokýratýra tarapynan qýǵyndaǵy olıgarh Muhtar Áblázov qurǵan uıymdy qoldamaý týraly eskertý qaǵazyn alǵan.