Almatyda marqumdy jerleýge kelgen qaraly top máıitti jer qoınyna tapsyra almaı qorymnan keri qaıtty. Sebebi, zıratqa ıelik etkender ádettegiden qomaqty qarjy talap etip, marqumdy jerleýge ruqsat bermeı qoıǵan eken. Al, amaly taýsylǵandar máıitti qaıtadan úılerine alyp ketkendep jazady Qamshy.kz aqparat agenttigi KTK telearnasy deregin negizge ala otyryp.
Qaıǵydan qan jutqandardyń aıtýynsha, tender arqaly qorymǵa ıelik etken kompanıa 55 myń teńge aqsha surapty. Sonda ǵana atalaryńdy aqtyq saparǵa alańsyz shyǵaryp salasyńdar degen. Biraq, qaraly otbasynyń ondaı qarjy taýyp berýge shamasy joq degender, musylmandyqqa jat qylyq jasaǵandarǵa qoldanar shara joq deıdi. Sebebi, buǵan deıin qorymǵa tólenetin qarjy 10 myń teńgeden aspaǵan eken. Al, qorym ıesi men qaraly top arasynda dáneker bolýǵa tyrysqan aýdandyq atqaminerler, aqyr sońynda jaýaptan jaltaryp ketti.
— Bizdiń musylmanshylyq jolda qazyp berse qalǵanyn týysqandar ózderi kirgizip qoıady ǵoı ishine, sosyn aǵaıyndar ishine topyraq salady. Bul kisiler 55 myńdy bostan bosqa alyp otyr ǵoı. Sonda jaǵdaıy joq adam qabirdiń ishine jata almaıtyn bolyp tur ǵoı, deıdi marqumnyń týysqany Rysbek Toqtasynuly.
Pikir qaldyrý