1 naýryz Alǵys aıtý kúnine oraı Qaratal aýdany Bastóbe jotasynyń etegine kárister ornatqan «Qazaq halqyna myń taǵzym» monýmentiniń aldynda Almaty oblystyq Qazaqstan halqy Assambleıasynyń uıytqy bolýymen saltanatty jıyn ótkizildi. Sharaǵa jınalǵan kópshilik aldymen repressıa jyldarynda qurban bolǵandardyń rýhyna taǵzym etip, monýmentke gúl shoqtaryn qoıdy, dep jazady Qamshy.kz aqparat agenttigi Almaty oblysy ákimdiginiń baspasóz qyzmetine silteme jasaı otyryp.

Mıtıńide Qaratal aýdanynyń ákimi Raýan Raqymbekov, oblystyq QHA tóraǵasynyń orynbasary, hatshylyq meńgerýshisi Ǵabıt Tursynbaı, ázirbaıjan etnomádenı ortalyǵynyń tóraıymy Asyly Osman, Qaratal aýdanynyń Qurmetti azamaty, Koreı ardagerler keńesiniń múshesi Valentına In Alǵys aıtý kúnimen jınalǵan qaýymdy quttyqtap, izgi tilekterin bildirdi. Olardyń barlyǵy biraýyzdan eldiń bereke-birligin, tynyshtyǵy men tabysyn eseleýge atsalysyp, táýelsiz Qazaqstannyń tuǵyryn nyqtaýǵa belsene qatysatyndyqtaryn aıtty jáne kópshilikti de soǵan shaqyrdy.

Munan soń Ǵ. Tursynbaı birqatar qarataldyq azamattarǵa marapattar tapsyrdy. Mıtıń sońy mektep oqýshylary ázirlegen «Qazaq halqyna taǵzym» atty kórkem ádebı kompozısıamen aıaqtaldy.