Arýjan Saın óziniń Facebook paraqshasyna 7 jastaǵy balanyń isine qatysty derekterdi jarıalady, dep habarlaıdy Qamshy.kz aqparat agenttigi. 

Arýjan Saın zańǵa sáıkes,  sotqa deıingi tergeý jáne sot eresekter men balalarǵa jasalǵan zorlyq áreketterine qatysty bolǵandyqtan jabyq ótip jatqanyn jazdy.

«Keshe QR Bas prokýratýrada tergeý jumystary júrgizildi. Barlyǵy jabyq rejımde ótip jatyr. Tergeý jumystary týraly kez kelgen aqparatty tek prokýratýra ókili ǵana jarıalaı alady» dep jazdy qoǵam qaıratkeri.

Buǵan deıin balanyń ájesimen baılanysta qıyndyqtar bolǵan edi. Arýjan Saınnyń aıtýynsha, balanyń anasy balanyń ájesimen baılanysta. Anasy men balasynyń qaıda ekenin jarıalaýǵa tyıym salynǵan. Sonymen qatar, Arýjan Saın bala men onyń otbasyn qoldap otyrǵandardyń barlyǵyna alǵysyn bildirdi. Qaıyrymdy adamdar otbasy músheleri men olardyń ókilderiniń jol aqysyn tólep otyrǵandaryn jazdy.

«MAŃYZDY! Zańgerdiń kómegi men otbasynyń zańdy ókilderiniń qyzmeti úshin eshkim  aqsha jınap jatqan joq» deıdi Arýjan Saın.

Buǵan deıin de Arýjan Saın 7 jastaǵy balanyń isine qatysty tyń derekterdi jarıalaǵan. 

Aıta keteıik, Bilim jáne ǵylym vıse-mınıstri Bıbigúl Asylova 7 jastaǵy OQO turǵynyna qatysty sot-medısınalyq saraptama 2018 jyldyń aqpan aıynda jasalǵanyn habarlaǵan. 

Saraptamanyń aqpanda júrgizilgenin QR BǴM Balalar quqyǵyn qorǵaý komıtetiniń tóraǵasy Nurbek Orshybekov te rastaǵan.

«Alǵashqy ótinish 15 aqpanda keldi. Sol ýaqyttan beri bizdiń komıtet OQO bilim departamentimen baılanysta. Ótinish bilim basqarmasynan kelip tústi» dedi Asylova.

Vıse-mınıstr vedomstvanyń kesh aqparattanǵany bilim departamentiniń jaýapkershiliginde ekenin aıtty.

«Barlyq saraptama júrgizilip bolǵannan keıin bul máseleni jaı qaldyrmaımyz», - dedi vıse-mınıstr.