Arýjan Saın óziniń Facebook paraqshasynda Abaı aýylynyń 7 jastaǵy turǵynyna qatysty jańa derekterdi jarıalady, dep habarlaıdy Qamshy.kz aqparat agenttigi. 

«23 naýryzda «Úı» qorynyń jáne uıymdasqan qylmyspen kúres  qyzmetkerleri bala men onyń anasyn Abaı aýylyna shyǵaryp saldy. Balanyń advokaty Baýyrjan Azanov Astanadan Shymkentke ushty.  

24 naýryzda kúni boıy tergeý jumystary júrgizildi.

25 naýryzda tergeý jumystary jalǵasty.

Balanyń anasynyń ótinishimen saraptamaǵa sheteldik mamandardy qatystyrý úshin jumystar atqarylyp jatyr.

Bizge basqa balalarǵa qatysty kóńilge úreı uıalatatyn aqparat keldi. Osy iske qatysty bolýy múmkin. QR Bas prokýratýrasyna habarladyq.

Obektıvti tergeý jumystary júrgiziledi dep úmittenemiz. Abaı aýylynda ne bolǵanyn anyqtaıdy dep senemiz», - dep jazdy Arýjan Saın.

Arýjan Saın anasy men balanyń jolaqysy, jatyn orny, tamaǵy, sonymen qatar zańgerdiń jolaqysyn qaıyrymdy adamdar tólep jatqanyn da aıtyp ótti. Olar: Anar Rahymbaeva, Aıdyn Rahymbaev, Ásel Tátisheva, Erkin Tátishev, Dana Altaeva, Almatynyń meıirimdi jandar klýby, «Úı» qory jáne t.b.

Arýjan Saın jolaqy men sheteldik sarapshylardy tartý jaǵynan áli de shyǵyndar bolatynyn aıtady. Kómekteskisi keletinder Janna Ahmetova, Adel Smıt jáne Leıla Prınsessovnamen habarlasa alady.

«ÓTE MAŃYZDY! Zańgerdiń qyzmetine eshqandaı qarajat jınalmady», - dep jazdy Arýjan Saın.