«Áziret Sultan» memlekettik tarıhı-mádenı qoryq-mýzeıine Túrkıanyń Stambýl qalasynan ıassaýıtanýshy ǵalym, Qoja Ahmet Iasaýıdiń jıyrma jetinshi urpaǵy, «Yesevi ocaklari» jýrnalynyń bas redaktory Ismetýlla Iasaýı keldi, dep habarlaıdy 24.kz.

Qoryq-murajaıda ótken Naýryz merekesine arnalǵan mádenı is-shara barysynda Ismetýlla Iasaýı saltanatty túrde Qoja Ahmet Iasaýıdiń «Dıýanı hıkmet» qoljazbasynyń túpnusqasyn «Áziret Sultan» qoryq mýzeıiniń dırektory Ahmetjanov Nurbolat Qadyrulyna tabys etti. Kitap 1212 jyly shaǵataı tilinde jazylǵan. Iasaýıtanýshynyń aıtýynsha, jeti ǵasyrǵa jýyq saqtalyp kelgen qundy jádigerdiń túpnusqasynda jaryqqa shyqpaǵan qanshama dúnıeler mol. Aldaǵy ýaqytta atalǵan qundy jádigerdi Astana qalasyndaǵy Ulttyq sırek kitaptar men qoljazbalar ortalyǵynda aýdarma jumystaryn jasatý josparlanýda.

Saltanatty shara Naýryz merekesin atap ótýge ulasty. Mańyzdy basqosýǵa jınalǵan halyq mýzeı ujymy daıyndaǵan naýryzkóje men dastarhannan dám tatyp, konserttik baǵdarlama tamashalady. Ulystyń uly kúnimen barsha qyzmetkerlerdi quttyqtaǵan mekeme basshysy Nurbolat Qadyruly ıasaýıtanýshy Ismatýlla Iasaýıǵa «Áziret Sultan» memlekettik tarıhı-mádenı qoryq murajaıy atynan arnaıy syılyqtar tabys etti.