Kýzbass vıse-gýbernatory Sergeı Sıvılev «Zımnná vıshná» saýda ortalyǵyndaǵy qaıǵyly oqıǵa úshin qala turǵyndarynan tizerlep turyp keshirim surady, dep jazady Qamshy.kz aqparat agenttigi RIA Novostı saıtynyń deregin negizge ala otyryp. 

Kemerovonyń basty alańynda tańerteń bastalǵan mıtıń jeti saǵatqa sozyldy. Keıin ákimshilik ókilderi jınalǵandardan óz úılerine tarqaýyn ótinip, dybys kúsheıtkish aparatýrany sóndirip tastady.Biraq qatysýshylar alańnan ketýden bas tartty. 

Sıvılev sóılemekshi bolǵan kezde mıkrofon sónip turǵan. Keıin ol halyqtan tizerlep turyp keshirim surady. Birneshe sekýndtan keıin qaıtadan turyp «ejelgi Rýste adamdar keshirim suraý úshin tizerlep turatyn bolǵan», — dedi. Sol sátte mıtıń qatysýshylary qol shapalaqtaı bastady. 

Eske sala ketsek, Kemerovodaǵy tórt qabatty «Zımnáá vıshná» saýda ortalyǵynda alapat órt shyǵyp, 64 adam qaza tapty. Qala aýrýhanalarynda 13 adam jatyr, olardyń deni gazdan ýlanǵan. Órt týraly is boıynsha birneshe adam ustaldy.