RF prezıdenti Vladımır Pýtın Kemerovodaǵy órtke baılanysty 28 naýryzdy qaraly kún dep jarıalaý týraly jarlyqqa qol qoıdy. Bul jaıly Qamshy.kz aqparat agenttigi TASS saıtyna silteme jasaı otyryp.
«2018 jylǵy 25 naýryzda Kemerovo oblysynyń Kemerovo qalasynda bolǵan órt saldarynan kóp adam qaza taýyp, zardap shekti. Qaıtys bolǵandardyń týystary men jaqyndarynyń qaıǵysyna ortaqtasa, 2018 jylǵy 28 naýryzdy RF-da qaraly kún dep jarıalansyn», - delingen qujatta. Qaraly kúnde eldiń búkil aýmaǵynda memlekettik tý túsiriledi.
Eske salaıyq, 25 naýryz kúni Reseıdiń Kemerovo qalasynda «Zımnáá vıshná» saýda úıinen órt shyǵyp, sońǵy derekterge sáıkes 64 adam qaza tapty. Onyń 41-i bala edi. Qazirge deıin qurbandardyń 25-iniń tulǵasy anyqtaldy.
