«Zımnáá vıshná» saýda ortalyǵyndaǵy órtti eki jasóspirim uıymdastyrǵan bolýy ábden múmkin. Bul jaıynda Qamshy.kz aqparat agenttigi «Sıbdepo» basylymyna silteme jasap habarlaıdy.

Kýágerdiń sózinshe, olar «Krýcha» ortalyǵyndaǵy batýttyń tekshelerin órtep jibergen.

«Saýda ortalyǵynyń qyzmetkeri jigitterdiń rezeńkelerdi qalaı órtegenin kórdi. Ol órtti sóndirýge tyrysty, biraq jalyn áp-sátte kúsheıip ketti. Al álgi jasóspirimder qutqaryldy, olardy saýda ortalyǵynyń qyzmetkeri alyp shyqty», - deıdi basylymǵa suhbat bergen azamat.

Saýda ortalyǵynyń qyzmetkeri quqyq qorǵaý organdaryna bul týraly aıtqan. Eki jasóspirimniń bet álpetine de sıpattama bergen.

Onyń aıtýynsha, «Zımnáá vıshná» saýda ortalyǵynyń tórtinshi qabatynda buzaqy jastar kóp jınalady eken. Kúzet qyzmetiniń olarǵa shamasy jetpegen. Saýda ortalyǵynyń ákimshiligi kúzetshilerdi aýystyrmaq bolǵan.

Kýáger saýda ortalyǵynyń esikteri jabyq boldy degen derekti de joqqa shyǵardy. «Baqylaýshylar esikterdi ashyp, órt jóninde habar berip úlgerdi», - deıdi ol.

Eske salaıyq, Reseıdiń Kemerovo qalasyndaǵy «Zımnáá vıshná» saýda ortalyǵynda bolǵan órttiń saldarynan ondaǵan adam qaza taýyp, 50-ge jýyǵy iz-túzsiz joǵalyp ketken.