Soltústik Koreıa basshysy Kım Chen Yn áıeli Lı Sol Chjýmen sońǵy jeti jylda alǵash ret shet elge saparǵa shyqty. Beıjińde QHR tóraǵasy Sı Szınpınmen kezdesip, ótken kelissózderdi «shynaıy jáne dostyq maqsatta júrgizildi» dep baǵalady.

Kım Chen Ynnyń alǵashqy saparynyń sebebi – Sı Szınpınniń Qytaı tóraǵalyǵyna qaıta saılanýy boldy.

Sapar jaıly resmı habarlanǵan joq. Aptanyń basynda Beıjińde qaýipsizdik sharalary kúsheıtilip, seısenbide temir jol vokzalyna qaraı esh bir belgilersiz kortej júrip ótken. Sodan keıin BAQ vokzalda Soltústik Koreıadan kelgen arnaıy poıyzdyń bolǵanyn habarlady.

Kezdesý barysynda KHDR jáne QHR basshylary álemdegi jáne Koreı jarty túbegindegi jaǵdaılardy talqylap, eki el arasyndaǵy dostyq qarym-qatynasty qoldaıtyndaryn málimdegen.

QHR tóraǵasy Sı Szınpın Qytaı men Soltústik Koreıa arasyndaǵy qarym-qatynastyń damýy aıasyndaǵy negizgi qaǵıdalarǵa toqtalyp ótti. Sonymen qatar, Ońtústik Koreıamen qarym-qatynasty ózgertý nıeti bar ekenin eskertip, Amerıka-soltústikkoreıalyq samıt ótkizý týraly jospary bar ekenin aıtty.

Sapar qorytyndysynda, Sı Szınpın Kım Chen Yndy Qytaıǵa qaıta shaqyrdy. Oǵan jaýap retinde Kım Chen Yn QHR tóraǵasyn Phenánǵa shaqyrdy.