Akter Dáýren Serǵazın «Úzdik akter» nomınasıasy boıynsha «Saxnager-2018» ulttyq syılyǵynyń ıegeri atandy. Bul týraly Astana qalasy Mádenıet jáne sport basqarmasynyń baspasóz qyzmeti habarlady.

Qazaqstan teatrlar qaýymdastyǵy uıymdastyrýymen ótken, 27-naýryz - Halyqaralyq Teatr kúni merekesine oraı, Jastar teatrynyń negizin qalaýshylardyń biri, kıno akteri Dáýren Serǵazın «Úzdik akter» nomınasıasy boıynsha «Saxnager-2018» ulttyq syılyǵynyń ıegeri atandy.

Ol teatr sahnasynda Hlestakov, Lúchensıo, Qoja, Ámir, Artýr syndy kóptegen rólderimen qalyń kórermenniń júreginen oryn alyp júrgen, kıno áleminde «Aldar kóse», «Shámshi aǵa» beınelerimen kópshilik qaýymǵa keń tanylǵan.

Sondaı-aq, jas ári talantty aktrısa «Tilep-Saryqyz» qoıylymynda Saryqyzdyń súıkimdi beınesimen, «Mosart» múzklinde Aloızıanyń ádemi yrǵaqty daýysymen kórermenniń kóz aıymy bolyp júrgen Nazerke Serikbolova Sahnagerdiń arnaıy «Úmit» syılyǵymen marapattaldy.