Kazgıdromet 31 naýryz – 2 sáýir kúnderi aralyǵyna arnalǵan aýa raıy boljamyn usyndy, dep habarlaıdy Qamshy.kz aqparat agenttigi.

Sınoptıkterdiń aıtýynsha, demalys kúnderi Qazaqstandaǵy aýa raıyna Kaspııdiń ońtústiginen keletin sıklonnyń yqpaly basym bolady. Sıklonǵa baılanysty ońtústikte jańbyr jaýyp, keı jerlerde nóserletedi, naızaǵaı oınap, jeldiń ekpini sekýndyna 18-25 metrge jetedi.

Soltústik jáne shyǵys oblystarda sıklonnyń yǵysýyna baılanysty jaýyn-shashyn bolady, kóbine qar jaýady. Keı jerlerde boran soǵyp, jeldiń jyldamdyǵy 18-25 m/s-qa artady.

Qazaqstannyń batys oblystaryna Reseıdiń Eýropalyq bóliginiń ortalyq aýdandarynan antısıklon jyljyp keledi. Soǵan baılanysty aýa temperatýrasy joǵarylap, kún jaýyn-shashynsyz bolady.