2017 jyly Almatyda qalalyq búdjetten tabıǵatty qorǵaý sharalaryna 6 mlrd 545 mln 882 myń teńge bólingen, dep jazady Qamshy.kz aqparat agenttigi.
Bul týraly Almaty qalasy óńirlik komýnıkasıalar qyzmetinde Almaty qalasy boıynsha Ekologıa departamentiniń basshysy Orman Aqkozıev málimdedi.
Qazaqstan Respýblıkasy Prezıdentiniń Joldaýynda keshendi aqparattyq-tehnologıalyq platformany engizý halyqaralyq ozyq tájirıbelerdiń shynaıylyǵyn eskere otyryp, Qazaqstan Respýblıkasynyń ekonomıkasyn damytýda jedel qarqynynyń jáne halyqtyń ómir sapasyn jaqsartýdyń basymdyqtarynyń biri retinde qarastyrylýda. Osyǵan baılanysty, memlekettik bıliktiń, bıznes jáne halyqtyń barlyq deńgeıinde ekologıalyq qaýipsizdik, monıtorıń jáne qorshaǵan orta jaǵdaıy men resýrstardy paıdalaný turaqtylyǵyn baqylaýda talaptar kúsheıýde.
- Tabıǵat qorǵaý is-sharalarynyń talaptaryn saqtaý men oryndaýda oń úrdis baıqalady. 2017 jyly qalalyq búdjetten tabıǵat qorǵaý sharalaryna 6 mlrd 545 mln 882 myń teńge bólindi. Qalalyq búdjetten qarjylandyrylatyn is-sharalardan bólek, 2017 jyly qala kásiporyndary óz qarajaty esebinen 2 mlrd 830 mln teńgeden astam kólemde tabıǵat qorǵaý sharalaryn qarjy josparlaǵan. 3 mlrd 360 mln 257 myń teńgege qorshaǵan ortany qorǵaý sharalary oryndaldy. Sondaı-aq, 2017 jyly tabıǵat paıdalanýshylar qorshaǵan ortaǵa emısıalar úshin 2017 jyly 1 263 mln teńge, al 2016 jyly 1 161 mln teńge kóleminde tólemder júrgizgen, - dep sózin tolyqtyrdy O.Aqkozıev.
