29 naýryzda bas prokýratýranyń İshki tergeý departamenti qyzmetkerlerimen Jambyl oblysy prokýrorynyń aǵa kómekshisi D. Ábdihalyq jáne buryn sotty bolǵan A. Óteshbaev ustaldy, dep habarlaıdy Qamshy.kz aqparat agenttigi QR Bas prokýratýrasynyń baspasóz qyzmetine silteme jasap.  

D.Ábdihalyq 1,2 mln teńge mólsherindegi parany  A. Óteshbaev arqyly alýǵa oqtalǵany úshin kúdikti. 

Aqshalaı qarajat Taraz qalasyndaǵy JD-158/2 mekemesinde jazasyn ótep jatqan sottalǵandy qaýipsizdigi barynsha tómen mekemege aýystyrý (qonys kolonıasy) máselesin sheshý úshin berilmek bolǵan.

Qazirgi tańda ekeýi de ustalyp, Taraz qalasyndaǵy İİB-nyń ýaqytsha ustaý ızolátoryna jetkizildi.

İs boıynsha tıisti tergeý jumystary júrgizilýde.

Qosymsha aqparat tergeýge baılanysty jarıa etilmeıdi.