Astananyń tergeý ızolátorynda asylyp qalǵan Ádil Nyǵmetovtyń qazasynyń sebebi anyqtalyp jatyr, dep habarlaıdy Qamshy.kz aqparat agenttigi Qazaqparatqa silteme jasap. 

«Qazavtojol» mekemesiniń Batys Qazaqstan oblystyq fılıalynyń burynǵy dırektory Ádil Nyǵmetov iri kólemde para berdi dep 3 jylǵa sottalǵan bolatyn.

Nyǵmetov  Astanadaǵy tergeý ızolátorynda asylyp qalǵan.  Sýısıdke barýynyń sebebi áli belgisiz.

«Óz ózine qol jumsaý faktisin rastaımyz. Sotqa deıingi tergep-tekserýlerdiń biryńǵaı tiziliminde tirkeldi. Tıisti tıisti organdar tekserý jumystaryn júrgizip jatyr. Sottalǵan tergeý ızolátorynda sharýashylyq jumystaryn atqaryp júrgen. Ólim aldyndaǵy hatty qaldyrǵan joq», - dedi Qylmystyq-atqarý júıesi komıtetiniń baspasóz qyzmetkeri Aǵylaı Turlanova.

Esterińizge salsaq, «Qazavtojoldyń» basshylary men aımaq fılıaldary basshylarynan quralǵan 20 ókili iri kólemde para berý deregimen ustalǵan edi. Solardyń arasynda Ádil Nyǵmetov te bar. Olar búdjet qarjysyn ıgerýdegi quıturqylyqtaryn jabý úshin Esep komıtetiniń 2 qyzmetkerine 16 mıllıon teńge para bermekshi bolǵan. Aqyrynda Nyǵmetov 3 jylǵa qamaldy. Alaıda, ózin kinásizdigin dáleldemek bolǵan ol apelásıalyq shaǵym túsirgenimen, úkim ózgerissiz qalǵan. Sóıtip, ol tergeý ızolátoryna jabylyp, sońǵy kasasıalyq sotty kútip jatqan bolatyn.