Taldyqorǵan qalasynda kámeletke tolmaǵan jasóspirim  anasyn aıýandyqpen óltirgen, dep habarlaıdy Qamshy.kz aqparat agenttigi patrul.kz saıtyna silteme jasap.

Oqýshynyń anasy 20 naýryzda 43 jasqa tolǵan. Bes kún ótkennen keıin ony týǵan uly – Taldyqorǵandaǵy mektepterdiń birinde oqıtyn 11 synyp oqýshysy óltirip tastaǵan.

Marqum áıel Taldyqorǵanda oblystyq nakologıalyq dıspanserde jumys istegen. Áriptesteri men naýqastar ony jaqsy medısınalyq qyzmetker jáne óz isiniń mamany retinde biledi. Ol bul salada 23 jyl istegen.

 Belgili bolǵandaı, olar otbasynda úsh adam: anasy, qyzy men uly bolǵan. Qyzy Almatyda joǵary oqý oryndarynyń birinde oqysa, uly bıyl mektep bitirýi kerek bolatyn. Áıel qyzynyń oqýyn tóleý úshin negizgi jumysynan bólek aqyly emhanalarda medbıke bolyp jumys istegen.

Áriptesteriniń aıtýlarynsha, uly anasynyń uıyqtap qalýyn kútip, ony tunshyqtyra bastaǵan. Odan keıin qolyna pyshaq alyp, baýyzdaǵan.  Ol anasynyń kóz jumǵanyna kóz jetkizgennen keıin kompúter klýbyna barǵan. Odan keıin úıge qaıtyp kelip, uıyqtaıdy. Tańerteń tańǵy asyn ishkennen keıin anasynyń denesine as sodasyn seýip, keshke qaraı polısıa qyzmetkerlerine óz erkimen berilgen.

Polısıa qyzmetkerleri qatigezdikpen óltirgen jaǵdaıǵa baılanysty qylmystyq is qozǵady. Tergeý amaldary júrip jatyr.