Almaty qalasy qorǵanys isteri jónindegi departamentiniń, “Ekstremalnaıa atletıka" QB, Áskerı-texnıkalyq mektebi, Qurlyq áskerleri áskerı ınstıtýty, QR QK desanttyq-shtýrmalyq áskeriniń uıymdastyrýymen "Sarbaz race” II xalyqaralyq áskerı-sporttyq oıyny ótti. Jarys eki kezeńnen ótti, dep habarlaıdy Qamshy.kz aqparat agenttigi.

Birinshi kezekte áskerge shaqyrǵanǵa deıingi jastaǵy jasóspirim, ekinshi kezeń boıynsha 18 jastan asqan qatysýshylar qatysty. Jarys baǵdarlamasynda 10 shaqyrymda júgirý, granat laqtyrý, pnevmatıkalyq vıntovka, sadaqpen atý, arnaıy jabdyqtar men texnıkalardy qoldana otyryp, taý alqaptarynyń kedergilerinen ótý oıyndary ótkizildi. Sarbaz reıs adamnyń sportqa degen qabiletin ashatyn oıyn bolyp tabylady. Bul oıyn barlyq jastaǵy adamdar qatysa alady. Oıynǵa qatysýǵa 3 adamnan komanda jiberiledi. Qazirgi tańda oıynǵa shetel klmandplary da tirkelgen.

İs-sharanyń maqsaty - QR QK-ndegi qyzmetti dáripteý, Qazaqstandaǵy sportty jáne salaýatty ómir saltyn nasıxattaý. Bul Qazaqstanda osy formatta ótip jatqan alǵashqy oıyndardyń biri. "Sarbaz race” jarysy áskerı bólimshelerdiń jaýyngerlerin daıvndaý úshin negizgi synaqtardan qurylǵan. Úlken jastaǵy qatysýshylar úshin qalyptasqan keńseden shyǵyp, demalýǵa múmkindik beredi. Sportpen shuǵyldaný adamnyń densaýlyǵynyń myqty, shydamdy bolýyna áser etedi. Sportpen aınalysý nemese úzdiksiz oqý adamdy keıde edáýir kúsh pen bar zeıinin jumsaýǵa májbúr etedi.

Osy formattaǵy jarys Qazaqstanda birinshi ret ótkizildi. Jarystar erler arasynda Qurlyq áskerleri áskerı ınstıtýtynyń kýrsanttary Berdıar Shýraev, Baǵdarbek Nurbek, Baýyrjan Tastemırov úzdik óner kórsetti. Konmandalyq jarysta "Jas urpaq" 1 oryndy, "Katúsha" 2 oryndy, "DSHÁ" 3 oryndy ıemdendi. Jarys sońynda Qurlyq áskerleriniń áskerı ınstıtýtynyń orkestriniń konserttik baǵdarlamasy boldy jáne qatysýshylar sertıfıkattar men baǵaly syılyqtarmen marapattaldy. Bul jarys aldaǵy ýaqytta da turaqty túrde ótkizletin bolady.