UFC 223 týrnırinde Habıb Nurmaǵamedov (25-0) pen Tonı Fergúson (26-23-3) arasyndaǵy jekpe-jek bolmaıdy, dep habarlaıdy Qamshy.kz aqparat agenttigi UFC-diń resmı saıtyna silteme jasap.

7 sáýir kúni UFC 223 týrnırinde jeńil salmaqtaǵy chempıon ataǵyna talasatyn Tonı men Habıb arasyndaǵy jekpe-jek ótpeıtin boldy. Amerıkalyq sportshy jaraqatyna baılanysty tóbelese almaıdy. Fergúsonnyń ornyna jartylaı jeńil salmaqtaǵy UFC chempıony Maks Holoýeı shyǵady. Osymen Fergúson-Nurmaǵamedov arasyndaǵy jekpe-jek tórtinshi ret keıinge shegerilip otyr.

Aıta keteıik, Habıb Nurmaǵamedov pen Tonı Fergúson arasyndaǵy kezdesý 7 sáýir kúni, AQSH-tyń Nú-Iork qalasynda ótýi kerek edi. Sportshylar UFC-diń jeńil salmaqtaǵy chempıonyn anyqtaýǵa tıis bolǵan.