Búgin aparattyq keńeste elorda ákimi qalany abattandyrý jáne sanıtarlyq tazalaý jóninde tapsyrma berdi. Bul týraly Qamshy.kz aqparat agenttigi Astana qalasy ákiminiń baspasóz qyzmetine silteme jasap habarlaıdy.

«Qazir maýsymaralyq kezeńde, bári de erip jatqanda, barlyq komýnaldyq qyzmetter men barlyq merdigerler qalany barynsha taza ustaýy qajet», - dedi ákim.

Áset Isekeshev aýdan ákimdikteri men ókiletti vedomstvolardyń jetekshilerine bul baǵyttaǵy jumystardy kúsheıtip, qurylys nysandarynyń qorshaýyna, belgilenbegen oryndardaǵy qoqys tógýge, batpaqty shyǵarýǵa, belgilenbegen jerde saýda oryndary men metal qabyldaıtyn pýnktterdi uıymdastyrýǵa qatysty olqylyqtardy joıýdy tapsyrdy.

Sondaı-aq, keńes barysynda Áset Isekeshev «Astana – taza jáne qaýipsiz qala» aılyǵynyń bastalǵanyn málimdedi.

Jalpyqalalyq senbilikti elordada sáýir aıynyń sońynda ótkizý josparlanýda.