Semeı qalasy qoǵamdastyq ókilderi men ardagerler keńesiniń ÚNDEÝİ

ARDAQTY AǴAIYN, QURMETTİ QAZAQSTANDYQTAR, QADİRLİ JERLESTER!

Ózderińizge málim, «Ertis» ózeniniń arnasynan asýyna baılanysty Semeı qalasynyń birqatar aýdandaryn sý basty. Qazirgi tańda 280-nen astam úıdi, 500-den astam úı aýmaqtary jáne 400-den astam saıajaı aýmaqtary sý astynda qalyp otyr. Eń bastysy, adam shyǵyny oryn alǵan joq. Qalada tótenshe jaǵdaı jarıalandy. Arnaıy komısıa qurylyp, jumys jasaýda. Sý basqan aımaqtardyń halqy úısiz qalyp otyr. Olardyń ishinde balalar, qarıalar, jaǵdaıy tómen otbasylar men múmkindigi shekteýli jandar da bar. Barlyǵy da arnaıy oryndarǵa kóshirilgen.

«Jumyla kótergen júk jeńil» demekshi, halqymyz qaı zamanda da qabyrǵasy qaıyspaı qıyndyq pen aýyrtpashylyqty birge jeńe bilgen. Qoldaýdy  qajet etetin jandarǵa qol ushyn berý arqyly adam balasy jaqsylyqqa qadam bastaıdy. Qaıyrymdylyq – halqymyzdyń eń izgi qasıetteriniń biri. Sondyqtan qıyn jaǵdaıǵa ushyraǵan jerlesterimizdi jan-jaqty qoldap, yntymaǵy berik, birligi jarasqan el ekenimizdi kórsetip, qoldaý kórseteıik.

«Ózin ǵana oılaǵan –

Jamandyqtyń belgisi.

Ózgeni de oılaǵan –

Adamdyqtyń belgisi», – degendeı, múmkindiginshe otandastarymyzǵa qoldaý jasap, zardap shekkenderge materıaldyq jáne moraldyq kómek berip, óz úlesterińizdi qosamyz deseńizder, arnaıy esepshot ashyq.

Ardaqty aǵaıyn! Barlyǵyńyzdy osynaý ıgilikti isten qalys qalmaı, óz azamattyq ustanymdaryńyzdy bildirip, barynsha qoldaý kórsetýge shaqyramyz.

Shottyń rekvızıtteri: NPO «Asyl»

BIN: 051240009478

Esep shot: KZ699650000031221610

AO «Forte Bank»