2018 jyldyń 28 naýryzynda Tegeran qalasynda (Iran Islam Respýblıkasy) Qazaqstan Respýblıkasy Aýyl sharýashylyǵy mınıstrliginiń Vıse-mınıstri Isaeva G.S. basshylyq etken delegasıanyń Iran veterınarlyq uıymymen aýyl sharýashylyǵy ónimderin ózara jetkizý máseleleri boıynsha ekijaqty kezdesýi ótti, dep jazady Qamshy.kz aqparat agenttigi QR ASHM baspasóz qyzmetine silteme jasaı otyryp.

Osy kezdesý eki eldiń aýyl sharýashylyǵy ónimderin óndirýshiler men qaıta óńdeýshileri arasyndaǵy ózara qyzyǵýshylyǵyna baılanysty veterınarlyq uıymdardyń aldyn ala jumystarynyń nátıjesi bolyp tabylady.

Kelissóz nátıjesi boıynsha eksporttyń veterınarlyq talaptary kelisildi. Qazaqstan Respýblıkasynda óndirilgen qus jumyrtqasy Iranga tek Iran Islam Respýblıkasynyń tallaptaryna saı belgilengen (ár jumyrtqada óndirilgen kúni, oralǵan kúni, jaramdylyq merzimi, óndirýshi kórsetiledi) jaǵdaıda ǵana jetkiziletin bolady.

Maldy arnaıy bordaqylaý arqyly alynǵan Qazaqstandyq mal eti halyqaralyq talaptarǵa sáıkes 5-6 kún boıy saqtalatyn bolady, bul óz kezeginde ıran naryǵynda suranysqa ıe bolýǵa ákeledi.

Eksporttyq tasymaldy aǵymdaǵy jyldyń sáýirinen bastaý josparlanyp otyr.