Garajda turǵan kólikten er adam men jas qyzdyń máıiti tabyldy, dep habarlaıdy Qamshy.kz aqparat agenttigi óńirlik ishki ister departamentiniń baspasóz qyzmetiniń deregin negizge ala otyryp.
3 sáýirde Kókshetaý qalasy ishki ister basqarmasynyń jedel basqarý ortalyǵynyń arnaıy jelisine saǵat 21:13-te áıel qońyraý shalyp, úıdiń aýlasyndaǵy metal garajdyń ishinde turǵan kólikten 34 jastaǵy kúıeýi men beıtanys qyzdyń máıitin taýyp alǵanyn habarlaıdy.
Oqıǵa ornyna jetken jedel-tergeý toby 1992 jyly týǵan qyzdyń kim ekenin anyqtaǵan. Zorlyq-zombylyq belgileri joq eki adamnyń denesi máıithanaǵa jiberilip, saraptamalar belgilendi.
Polısıanyń habarlaýynsha, olar gazdan ýlanyp ólýi múmkin.
