«Kazakh Invest» qoldaý kórsetýimen «Dal Holding Investment CO.» kompanıa ókilderiniń Aqtóbe jáne Jambyl oblystary ákimdikterimen kezdesýi uıymdastyryldy. Kezdesý barysynda túrik ınvestorlary agro-ónerkásiptik jáne ken-metallýrgıa keshenderi salasynda eki jobany iske asyrýǵa qyzyǵýshylyqtaryn tanytty.

Taraz qalasynda «Dal Holding Investment CO» túrik kompanıasynyń ókilderi Jambyl oblysynyń ákimi Asqar Myrzahmetovpen kezdesti.

Kezdesý barysynda «Dal Holding Investment CO.» qarjy dırektory, konsýltatıvtik keńes múshesi Demırdjan Kýse kompanıanyń quny 54 mln AQSH doll. quraıtyn barıt konsentratyn óndiretin ken baıytý kombınatyn salý boıynsha Jambyl oblysynda jobany iske asyrýǵa qatysýǵa qyzyǵýshylyǵyn bildirdi. Jylyna 75 000 tonna barıt kenin baıytý boıynsha ıgerýden tolyq óndiristik sıkliniń múmkindigi talqylandy. Kezdesý qorytyndysy boıynsha óńir basshysy ınvestorlar nıetin qoldady.

Aqtóbe qalasynda «Dal» kompanıa basshysy Aqtóbe oblysy ákiminiń orynbasary Cerik Túlenbergenovpen kezdesti. Taraptar gaz elektr stansalary esebinen ony elektrmen, jylý jáne kómirqyshqyl gazymen qamtamasyz etip Aqtóbe oblysynda teplısa keshenin salý jobasyn kezeńdi túrde iske asyrý keleshegin talqylady. Osy joba boıynsha ınvestısıalardyń josparlanyp otyrǵan jalpy kólemi 650 mln. AQSH doll quraıdy.

Kezdesý barysynda ákimdik basshylyǵy osy jobany iske asyrýǵa qyzyǵýshylyǵy men ınvestorlarǵa jan-jaqty qoldaý kórsetýge daıyn ekendigin rastady. Qazirgi ýaqytta Aqtóbe oblysynyń ákimdigi teplısa salý úshin alańy 200 ga bolatyn jer teliminiń tıisti nusqalaryn qarastyryp jatyr.

 «Dal Holding Investment CO.» kompanıasy 1985 jyly quryldy, álemdegi alǵashqy 5 kompanıanyń biri retinde syndarly jabdyqty ázirleý men jetkizýmen aınalysady. Sement, qurylys, energetıka, hımıa jáne mıneraldyq resýrstar sektorynda jumys isteıdi. Kompanıa Túrkıada avtomattandyrý boıynsha alǵashqy kompanıalardyń biri bolyp tabylady.