Kemerovo qalasyndaǵy sońǵy jańalyqtarǵa baılanysty, Qazaqstan Respýblıkasynyń İshki ister Mınıstri general-polkovnık Q.N. Qasymov adamdar kóp shoǵyrlanatyn nysandarda qaýipsizdik mádenıetin qalyptastyrý boıynsha  balalarǵa bilim berýge erekshe nazar aýdara otyryp, keń aýqymdy oqý-jattyǵý jumystaryn júrgizýdi tapsyrdy. Jer silkinisi men órt kezinde basty elementterdiń biri durys evakýasıa bolyp tabylady, dep jazady Qamshy.kz aqparat agenttigi QR İİM TJK Almaty qalasynyń tótenshe jaǵdaılar departamentiniń baspasóz qyzmetine silteme jasap.

         Búgin Almaty qalasynyń Bostandyq aýdanyndaǵy №94 mektep- gımnazıasynyń aýmaǵynda jer silkinisi bolǵan jaǵdaıda basshylyq quramynyń oqýshylardy ǵımarattan qaýipsiz jerge qalaı durys  alyp shyǵýǵa bolatyndyǵy týraly jer silkinisine baǵyttalǵan seısmıkalyq jattyǵý  júrgizildi.

         Jattyǵýǵa Almaty qalasynyń Tótenshe jaǵdaılar departamentiniń, TJ aýdandyq bóliminiń qyzmetkerleri, qalanyń «109» qutqarý qyzmeti, sondaı-aq, mektep dırektorlary, mektepke deıingi mekemelerdiń meńgerýshileri jáne Bostandyq aýdany bilim bóliminiń basshysy qatysty.

        Jattyǵý eki kezeńde ótti: teorıalyq – qatysýshylar jer silkinisi kezindegi is-áreketter algorıtmi týraly aqparattarmen (evakýasıa joldary) tanystyrylyp, seısmıkalyq jattyǵýlardy josparlaý jáne júrgizý boıynsha ádistemelik usynystarǵa, sonymen qatar, balabaqshalarda jáne jalpy bilim beretin mektepterde órt qaýipsizdiginiń talaptarynyń saqtalýy boıynsha  túsinikteme berildi.

         QR İİM TJK Kókshetaý tehnıkalyq ınstıtýtyna oqýǵa túsý boıynsha úgit-nasıhat jumystary júrgizildi. 

         Birinshi kezeńniń sońynda qatysýshylarǵa  jer silkinisi, órt jáne basqa da tótenshe jaǵdaılar kezindegi minez-qulyq tártibi týraly jadnama men broshúralar taratyldy.

        Praktıkalyq bólimde – «Nazar aýdaryńyzdar, bárińe!»  dybystyq belgisi jiberilgen bette, barlyǵy ǵımarattan shyǵyp úlgerdi. 

        Synyp jetekshileri oqýshylaryn túgendegen kezde 9-synyptyń eki oqýshysyn joǵalǵandyǵy týraly  mekteptiń AQ bastyǵyna habarlady. 

         Balalardy qutqarý úshin kınologıalyq esep jáne qalanyń qutqarý qyzmetiniń qutqarýshylary tartyldy.

         Qutqarýshylar zardap shekkenderdi úshinshi qabattyń terezesinen túsirip, alǵashqy medısınalyq kómek kórsetý úshin dárigerlerge berý operasıalaryn júrgizdi.

         Almaty qalasynyń Tótenshe jaǵdaılar departamenti bastyǵynyń orynbasary polkovnık E. Álibekovtyń aıtýynsha, júrgizilgen jattyǵý zardap shekkenderdi qutqarý, izdeý, kómek berýge jáne órt, sel, sý tasqyny, ǵımarattardyń qulaýy, qaıtalama zilzala faktorlaryn joıý  kezinde zardap shegýshilerge alǵashqy dárigerlik kómek kórsetýge baǵyttalǵan. 

         Seısmologıa Instıtýty boljamdyq komısıanyń qorytyndysyna silteme jasaı otyryp, bıylǵy jyly Almatyda jeti baldan joǵary jer silkinisi bolmaıtynyn eskertemiz.