Fedorov aýdanynda balasyn sý alatyn qudyqqa tastaǵan áıel anyqtaldy, dep habarlaıdy Qamshy.kz aqparat agenttigi QazAqparat málimetine súıenip.
— Fedorov aýdanynyń polıseıleri jedel-iz kesý sharalary barysynda jańa týǵan sábıin qudyqqa tastady degen kúdikpen 38 jastaǵy áıeldi ustady. Atalǵan fakt boıynsha sotqa deıingi tergeý sharalary júrgizilýde, - dedi oblystyq İİD baspasóz hatshysy Irına Bejenar.
Kúdiktige QR QK 100-baby («Anasynyń jańa týǵan balasyn óltirýi») boıynsha aıyp taǵyldy. Saraptamalar taǵaıyndaldy.
Eske salsaq, Qostanaı oblysynyń Fedorov aýdanynda áskerı qyzmetshi qudyqtan shaqalaqtyń denesi taýyp alǵan bolatyn. Atalǵan faktini QazAqparat tilshisine QR UQK 2031 shekara bólimi komandıriniń orynbasary Rahmedın Ýájıtov rastady.
