QR Prezıdenti N. Á. Nazarbaevtyń 2018 jylǵy 10 qańtardaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý aıasynda týrızmdi damytý máseleleri boıynsha baspasóz konferensıasy ótti, dep habarlaıdy Qamshy.kz aqparat agenttigi.

2018 jyldyń 7-shi sáýirinde Jambyl oblysy aýmaǵynda ornalasqan «Ejelgi Taraz eskertkishteri»  qoryq-mýzeıiniń qaramaǵyndaǵy «Aqyrtas» saraı kesheninde QR Prezıdenti N. Á. Nazarbaevtyń 2018 jylǵy 10 qańtardaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýdyń iske asyrý aıasyndaǵy týrızmdi damytý máseleleri boıynsha baspasóz konferensıasy ótip jatyr. 

Baspasóz konferensıasynyń maqsaty – elimizdegi tarıhı, mádenı eskertkishterdi arheologıalyq ǵylymı zerteý, týrızmdi damytý boıynsha is-sharalardyń kesheni jóninde BAQ pen qoǵamdy aqparattandyrý.

Baspasóz konferensıasyna QR Mádenıet jáne sport mınıstri A. Muhamedıuly jáne Jambyl oblysynyń ákimi A. Myrzahmetov basshylyq etti, sondaı-aq jıynǵa «Kazakh Tourism UQ» AQ tóraǵasynyń orynbasary T. Dúısenǵalıev, «Qazaqstan temir joly»  Ulttyq kompanıasy» AQ uıymynyń ókili, ǵalymdar, respýblıkalyq jáne jergilikti BAQ ókideri qatysty.

Jıyn barysynda IýNESKO-nyń Búkilálemdik muralar tizimine jáne Qazaqstannyń jalpyulttyq mańyzy bar kıeli jerleriniń tizimine engen «Aqyrtas» keshenin jáne osy óńirdegi ózge de tarıhı-mádenı mura nysandaryn týrısik ortalyqqa aınaldyrý máseleleri jan-jaqty talqylandy.