2018 jyldyń 7-shi sáýirinde Jambyl oblysy aýmaǵynda ornalasqan «Ejelgi Taraz eskertkishteri» qoryq-mýzeıiniń qaramaǵyndaǵy «Aqyrtas» saraı kesheninde QR Prezıdenti N. Á. Nazarbaevtyń 2018 jylǵy 10 qańtardaǵy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýdyń iske asyrý aıasyndaǵy týrızmdi damytý máseleleri boıynsha baspasóz konferensıasy ótti.
Baspasóz konferensıasynyń maqsaty – elimizdegi tarıhı, mádenı eskertkishterdi arheologıalyq ǵylymı zerteý, týrızmdi damytý boıynsha is-sharalardyń kesheni jóninde BAQ pen qoǵamdy aqparattandyrý.
Baspasóz konferensıasynyń qorytyndysy boıynsha QR mádenıet jáne sport mınıstrligi, Jambyl oblysynyń ákimdigi men «Qazaqstan temir joly» Ulttyq kompanıasy» AQ arasynda úshjaqty memorandýmǵa qol qoıyldy.
Sonymen qatar «Aqyrtas» kesheniniń Sapar ortalyǵyna «Ejelgi Taraz eskertkishteri» qoryq-mýzeıiniń jyljymaly «rýhanı jańǵyrýǵa 1 jyl» atty kórmesi uıymdastyryldy. Kórmege Jambyl oblysy aýmaǵyndaǵy tarıhı oryndarda júrgizilgen arheologıalyq qazba jumystary barysynda tabylǵan jádigerler qoıyldy.
