Almaty oblysynda jańadan qurylǵan Kegen jáne Raıymbek aýdandarynyń ákimderi taǵaıyndaldy, dep habarlaıdy Qamshy.kz aqparat agenttigi inform.kz saıtyna silteme jasaı otyryp. 

Aýdandyq máslıhat depýtattarynyń kelisimimen Kegen aýdanynyń ákimi bolyp Talǵat Baıedilov taǵaıyndaldy. Ol buǵan deıin Raıymbek aýdany ákiminiń orynbasary qyzmetin atqarǵan. Al Raıymbek aýdanynyń ákimi bolyp Jolan Ýmarov bekitildi.  Aıta ketý kerek, Jolan Ýmarov aýdan ekige bólinbeı turǵan sátte  Raıymbek aýdanynyń ákimi bolǵan. Jańa aýdandardyń ákimderin oblys basshysy halyqpen kezdesý barysynda tanystyryp, jumystaryna sáttilik tiledi.

Esterińizge sala keteıik, Elbasy Almaty oblysynyń ákimshilik-aýmaqtyq qurylysyndaǵy ózgerister týraly Jarlyqqa qol qoıǵan bolatyn.  

Qujatqa sáıkes,  Raıymbek aýdanynyń ortalyǵy Narynqol aýyly, al Kegen aýdanynyń ortalyǵy Kegen aýyly bolyp quryldy.