Almaty, Jambyl, Qyzylorda jáne Ońtústik Qazaqstan oblystarynda jýyrda úsik júrýi múmkin, dep jazady Qamshy.kz aqparat agenttigi  Qazgıdromettiń deregin negizge ala otyryp. 

10 sáýir kúni túnde Qyzylorda oblysynda, 9-11 sáýirde túnde Ońtústik Qazaqstan oblysynda 1-3 gradýs úsik júredi, al 11-12 sáýirde túnde Jambyl jáne Almaty oblysynda keı jerlerde bes gradýsqa deıin úsik júrýi yqtımal.

Sonymen qatar, Qazaqstannyń óńirlerinde sý deńgeıiniń kóterilýine baılanysty dabyldy eskertý jarıalandy.

8 sáýirde Aqmola, Aqtóbe, Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda aýa temperatýrasynyń kóterilýine baılanysty jáne jaýyn-shashyn túsýi saldarynan qar erip, sý deńgeıi artyp, sý basý qaýpi týyndaıdy.

8 sáýirde Shyǵys Qazaqstan oblysynda ózender arnasynan asyp, tasqyn bolýy múmkin.

8 sáýirde Almaty, Jambyl, Ońtústik Qazaqstan oblystarynda jáne Almaty qalasynda jaýyn-shashyn túsýine baılanysty sý basý qaýpi bar.