Qazaqstan musylmandary dinı basqarmasynyń tóraǵasy Serikbaı qajy Oraz Astanada múftıat ǵımaratynda Qostanaı oblysynyń ákimi Arhımed Muhambetovpen kezdesti, dep jazady Qamshy.kz aqparat agenttigi QMDB baspasóz qyzmetine silteme jasaı otyryp.

Resmı kezdesýde qoǵamda din men dástúr sabaqtastyǵyn dáripteý, saýapty hám salaýatty sharalardy nasıhattaý, jastardy destrýktıvti aǵym ıdeologıasynan saqtandyrý, tarıhı tulǵalar týraly ıgi jobalardy birlese júzege asyrý, qaıyrymdylyq baǵyttaǵy jumystardy kóbirek uıymdastyrý, t.b. máseleler sóz boldy.

Arhımed Begejanuly 2011-2013 jyldary QMDB-nyń Qostanaı oblysy boıynsha ókil ımamy qyzmetin atqarǵan Serikbaı qajy Satybaldyulynyń atalǵan óńirde júzege asyrǵan izgi jobalary men ıgi bastamalary týraly oń pikirin bildirdi.  

A.Muhambetov Bas múftıdi jańa qyzmetimen quttyqtap, Qostanaı oblysyna resmı saparmen kelýdi usyndy.

Kezdesý sońynda Qostanaı qalasynda Islam baǵytynda murajaı-kórme ashý týraly ýaǵdalastyq jasaldy.