Qostanaılyq tártip saqshylary qyzdardy jezókshelikpen aınalysýǵa májbúrlep júrgen uıymdasqan qylmystyq topty quryqtady, dep habarlaıdy QazAqparat oblystyq İİD baspasóz qyzmetine silteme jasap.
Jaqynda qyzdardy jynystyq qyzmet kórsetýge májbúrlep kelgen 24-31 jas aralyǵyndaǵy kúdikti top ustaldy. Olardyń arasynda bir qyz bar. Polıseılerdiń aıtýynsha, kúdiktiler materıaldyq jaǵdaıy álsiz qyzdardy ózderiniń tanystary arqyly taýyp otyrǵan.
«Uıymdasqan top jábirlenýshilerdi páterge shaqyryp, olarmen birge ishimdik ishedi. Munan soń qyzdardy qorqytyp, jynystyq qatynaspen aınalysýǵa májbúrleıdi. Barlyǵy 12 qyz qylmystyq top «quryǵyna» ilingen. Olardyń úsheýi balalar úıinen shyqqan. Jeńgetaılyq jasaǵandar qyzdardyń jeke qujattaryn tartyp alǵan», - dep habarlady oblystyq İİD baspasóz qyzmetindegiler.
Buǵan qosa, jeńgetaılardyń tepkisine túsken boıjetkender jaqyndarymen telefon arqyly sóılesip júrgen. Alaıda ózderiniń jaǵdaılary týraly tis jarmaǵan.
Vedomstvonyń málimetinshe, qazir uıymdasqan qylmystyq top ókilderi ustaldy. QR QK birneshe babymen sotqa deıingi tekserý amaldary bastaldy
