Aqparat jáne komýnıkasıalar mınıstrligi Qazaqstanda qoldanys aıasy keńeıip kele jatqan Telegram messendjerin buǵattaýǵa múddeli emes, dep málimdedi vedomstvo basshysy Dáýren Abaev. Bul týraly Qamshy.kz aqparat agenttigi sputniknews.kz saıtyna silteme jasap.
«Aqparat jáne komýnıkasıalar mınıstrligi sot sheshimin oryndaý úshin barlyq qajetti sharany qolǵa alýǵa mindetti. Osyǵan baılanysty tıisti habarlandyrýlar, sonyń ishinde Telegram ákimshiligine de jiberildi. Bul baǵytta jumys júrip jatyr, biz Telegram sekildi Qazaqstanda tanymal bolyp kele jatqan messendjerdi buǵattaýǵa múddeli emespiz», — dedi Abaev úkimet otyrysynan keıin.
Aıta ketsek, eger Telegram qashqyn bankır Muhtar Áblázovtiń respýblıkada tyıym salynǵan «Qazaqstannyń demokratıalyq tańdaýy» qozǵalysynyń materıaldaryn óshirý týraly sot sheshimin oryndamasa, onda messendjerdiń jumysy shektelýi múmkin.
