Kezdesýde Qazaqstan Prezıdentine partıanyń qazirgi qyzmeti jóninde málimet berilip, «Jas Otan» jastar qanatynyń IV seziniń qorytyndylary týraly baıandaldy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.

Elbasy memlekettik saıasatty iske asyrý úderisinde partıanyń jastar qanaty mańyzdy mısıa atqaratynyn aıtty.

– «Jas Otan» jastar qanatynyń sezi tabysty ótti. Meniń tapsyrmama sáıkes, jastar arasynda saıası jumystar júrgizilýge tıis. «Jas Otannyń» maqsaty – Qazaqstan jastarynyń bárin biriktirý, – dedi Nursultan Nazarbaev.

Kezdesý barysynda Máýlen Áshimbaev sıeziń qorytyndysy boıynsha qol jetkizilgen nátıjelerge toqtaldy.

– İV sezge barlyq oblystar men óńirlerden 1500-den astam delegat qatysty. Forýmnyń birinshi kúni partıanyń konferensıasy jáne arnaıy bes paneldi sesıa ótti, – dedi «Nur Otan» partıasy Tóraǵasynyń birinshi orynbasary.

Budan bólek, M.Áshimbaev Nursultan Nazarbaevqa strategıalyq memlekettik jáne salalyq baǵdarlamalardy, sonyń ishinde «Rýhanı jańǵyrý» jáne «Sıfrlyq Qazaqstan» baǵdarlamalaryn júzege asyrý úderisine partıanyń atsalysýy týraly baıandady.

Sondaı-aq, «Nur Otan» partıasy Tóraǵasynyń birinshi orynbasary Memleket basshysyna partıanyń kadrlyq rezervin qalyptastyrý barysy jóninde málimdedi.

Kezdesý sońynda Nursultan Nazarbaev partıanyń túrli baǵyttaǵy  jumysyn jandandyrý jóninde birqatar naqty tapsyrma berdi.