2018 jyldyń 14 sáýirinde, saǵat 17: 00-de Astana Music Hall –da «Seniń baǵyńda» atty mýzykalyq álbom men ǵajaıyp shoýdyń tusaýkeserine arnalǵan baspasóz konferensıasy ótedi.
Sharaǵa belgili opera ánshisi Juldyz Ýálıhan, tanymal balet ártisi Dosjan Tabyldy, kompozıtor Syrym Nábıqulov jáne t.b qatysady.
Jobanyń basty maqsaty – óner arqyly elimizdegi onkologıalyq aýrýlarǵa shaldyqqan naýqas balalarǵa qol ushyn berý. Qoǵamdy, barsha adamzatty meıirimdilikke, ıgi ister men áreketterge shaqyrý.
Alǵash ret qazaqstandyq qana emes, sonymen birge álemdik sahnada óner kórsetetin biregeı opera ánshisi men tanymal balet ártisi erekshe shoýdy jańa formatta usynbaq.
Shoý áıgili álemdik opera, halyq ánderimen qatar, balettiń jańasha qoıylymdarynan turady. Mýzykalyq nómirler dybys, daýys jáne bı arqyly túrli sezimniń búkil dramatýrgıasyn kórsetedi. Jańa kórsetilimdegi opera men balet óneri rýhanı kóńil-kúı ǵana syılap qoımaı, sonymen birge elimizdiń mádenıetiniń damýyna úles qospaq.
Juldyz Ýálıhannyń ásem daýysy men Dosjan Tabyldynyń keremet plasıkasy kórermenge barlyq tańǵajaıyp sezimder men emosıalardy tartý etedi. Ekeýi birigip óner arqyly mahabbat, sezim, adamgershilik, arman, beıimdilik, yntyzarlyq jáne sulýlyq týraly baıandaıdy.
Sondaı-aq, mýzykalyq shoý aıasynda «Seniń baǵyńda» atty jańa klıptiń tusaýkeseri ótedi. Seniń baǵyńda mýzykalyq álbomy bir jyl kóleminde ázirlendi. Túsirilim jumystary Italıa men Qazaqstanda ótti.
Seniń baǵyńda - bul ǵajaıyp áserge bóleıtin joǵary sapaly, rejıserlik jumys. Sahnadaǵy kórinis pen dekorasıanyń lezde ózgerýi draıv sezimin arttyra túspek. Jańasha jaryq qondyrǵylary, kúrdeli arnaıy effektter, mýzyka, qozǵalys bir jerde toǵysady.
Atalmysh sharaǵa memlekettik jáne qoǵam qaıratkerleri, zıaly qaýym, shoý-bıznes ókilderi jáne t.b qatysady.
Sol keshte sahnada qaterli aýrýǵa shaldyqqan balanyń esimi atalyp, anasyna mýzykalyq dıskiniń satylymynan túsken qarjy tabystalyp emine aýdarylatyn bolady.
