2018 jylǵy 12 sáýirde Baký qalasynda Qazaqstan Respýblıkasy Ortalyq saılaý komısıasynyń Tóraǵasy Berik Imashev Ázerbaıjan Respýblıkasynyń prezıdenttik saılaýynda TMD baqylaýshylar mısıasy jumysynyń qorytyndylary boıynsha baspasóz konferensıasyna qatysty.
Mısıa basshysy, TMD Atqarýshy komısıasynyń tóraǵasy Sergeı Lebedev 11 sáýirde bolǵan merzimnen tys prezıdenttik saılaýy básekelestik negizinde, erkin, ashyq jáne Ázerbaıjannyń Konstıtýsıasy men Saılaý kodeksine saı ótkenin aıtty.
QR OSK tóraǵasy B.Imashev TMD baqylaýshylar mısıasy quramynda saılaýǵa 34 qazaqstandyq baqylaýshy Ázerbaıjannyń 5 aımaǵynda jumys atqarǵanyn atap ótti.
«Uıymdastyrýdyń jáne saılaýdy ótkizýdiń jaqsy deńgeıin, aımaqtyq saılaý komısıa músheleriniń joǵarǵy biliktiligin jáne olardyń óz eliniń saılaý zańnamalaryn bilýin erekshe atap ótim keledi. IT-tehnologıalar men tehnıkalyq quraldardyń ishinde saılaý ýchaskelerindegi markerleýdi de atap ótken jón.
Saılaýǵa qatysýdyń joǵarylyǵy halyqtyń elektoraldyq-quqyqtyq mádenıeti jáne ashyq erik bildire alýǵa búkil jaǵdaıdyń jasalǵanymen baılanysty», - dedi Ortsaılaýkom basshysy.
Sondaı-aq, B.Imashev Ázerbaıjannyń saılaý komısıalary, onyń ishinde tómengi deńgeıdegi saılaýkomdardyń, músheleriniń kásibıligin joǵarylatý tájirıbesi nazar aýdaryp arnaıy zerdelenýi tıis ekenin atap ótti.
