Búgin qoǵam belsendisi, medıatulǵa, belgili jýrnalıs Berik Ýálı júrgizip otyrǵan Ulttyq arnadaǵy «Birinshi stýdıa» baǵdarlamasynyń efırge shyqqanyna bir jyl toldy, dep habarlaıdy Qamshy.kz aqparat agenttigi. Osy ýaqyt ishinde kórermender Berik Ýálıdiń telejobasyn 42 ret tamashalapty.

Aptasyna bir ret shyǵatyn baǵdarlamaǵa ár salanyń mamandary qatysty. Onyń qatarynda laýazymdy memleket qyzmetkerleri, tanymal kásipkerler, ult ǵylymyna qyzmet etip júrgen ǵalymdar men sarapshylar bar. Telejobada bılik ókilderimen qatar elimizdegi tanymal opozısıa belsendileri de boı kórsetti. Stýdıa qonaqtary búgingi qoǵamdaǵy kópten qordalanǵan ózekti máselelerdi baıyppen, bilgirlikpen jan-jaqty talqylap, pikir bildirip jatty. Al bul óz kezeginde paıdaly bolǵany sózsiz.

Sonymen birge Elbasynyń «Bolashaqqa baǵdar: rýhanı jańǵyrý» atty  maqalasyndaǵy birqatar saıası-áleýmettik mańyzy bar bólimderi, onyń ishinde latyn qarpine kóshý, kıeli ólkeler tizimi, ulttyq sana taqyryby aıasyndaǵy máseleler aıtyldy. Opozısıa ókilderi men memleket qyzmetkerleri oı jarystyryp, kórermen kózqarasyna qozǵaý saldy.

Bıliktiń baqylaýyndaǵy telearnada mundaı ózekti taqyryptardyń keńinen talqylanýy memlekettik mańyzy bar sheshimderdi qabyldaýda birjaqtylyqtan saqtady.

«Birinshi stýdıa» qonaqtarynyń árkelki quramy, ondaǵy spıkerlerdiń ár taraptan kelgeni, ártúrli kózqarastaǵy azamattar bolýy kórermen qyzyǵýshylyǵyn arttyra tústi. Bul óz kezeginde qazaq saıası-aqparattyq keńistigin sheteldik yqpaldan tazalaýǵa múmkindik beredi. Qoǵamdaǵy kókeıkesti máselelerdi talqylaýǵa opozısıa ókilderin tartý plúralızmniń damýyna septigin tıgizetini anyq.

Abylaı Sársenbaev