QR Ekonomıka mınıstri Tımýr Súleımenov búgingi Úkimet saǵatynda elimizdiń ekonomıkalyq jaǵdaıyna týrasynda baıandama jasady, dep habarlaıdy Qamshy.kz aqparat agenttigi.

"Aǵymdaǵy jyly birinshi toqsanda el ekonomıkasynda jaǵymdy úrdister saqtaldy. Eseptik kezeńde jalpy ishki ónimniń ósýi 4,1 paıyzdy qurady. 2017 jylǵy sáıkes kezeńde 3,6 paıyz bolǵan. Mundaı serpin ónerkásiptiń, aýylsharýashylyǵynyń jáne kórsetiletin qyzmetter salasynyń ósýimen qamtamasyz etildi. Sondaı-aq jalpy ishki ónimniń ulǵaıýyna ınvestısıalardyń joǵary ósýi jáne tómen ınflásıalyq ádister septigin tıgizýde.

Inflásıa jyl basynan beri 1,8 paıyzdy qurady, 2017 jylǵy sáıkes kezeńdegiden 0,5 paıyzǵa tómen. Jyldyq mándegi ınflásıa 6,6 paıyzdy qurady. Aǵymdaǵy jyly 1 sáýirge deıin eldiń halyqaralyq rezervteri 1,5paıyzǵa, 90,4 mlrd AQSH dollaryna deıin ulǵaıdy. Altyn valúta rezervteri 1,1 paıyzǵa nemese 31,1 mlrd AQSH dollaryna deıin, ulttyq qor aktıvteri 1,6 paıyzǵa nemese 50,3 mlrd AQSH dollaryna deıin ósti", - dep málimdedi QR ekonomıka mınıstri Tımýr Súleımenov.

Baıandamasynyń sońynda eldegi ortasha aılyq eńbekaqy kórsetkishine de toqstalyp ótken mınıstr aılyq eńbekaqynyń óskenin málimdedi.

"Eńbek naryǵyndaǵy jaǵdaı ornyqty bolap qalýda. Aǵymdaǵy jyly naýryz aıynda jumyssyzdyq deńgeıi 4,9 paıyz deńgeıinde saqtaldy.

Eńbekaqynyń ósýi baıqalyp otyr. Erekshe atap ótetin jaǵdaı, aǵymdaǵy jyldyń birinshi toqsanynda ortasha aılyq eńbekaqy naqty kóriniste  2,4 paıyzǵa ósip, 153,2 myń teńgeni qurady", - deıdi mınıstr