Shymkentte taǵy bir jasóspirim óz-ózine qol jumsady. Baqılyq bolǵan 15 jastaǵy er bala óz úıiniń aýlasynda asylyp qalǵan. Bul aqparatty Oblystyq ishki ister departamenti rastady,  dep habarlaıdy  Qamshy.kz aqparat agenttigi QazAqparat málimetine súıenip.

Polıseılerdiń málimetinshe, qaıǵyly jaǵdaı 16 sáýirde túski saǵat 13.30-dar shamasynda, Samal-3 shaǵyn aýdanynda bolǵan. Ulynyń asylyp qalǵanyn kórgen anasy  Abaı aýdandyq polısıa bólimine habar beripti. 

Marqum  qaladaǵy  №87 jalpy orta mekteptiń  9-synybynda bilim alǵan. Qazir osy oqıǵaǵa qatysty Abaı aýdandyq polısıasy qyzmetkerleri Qylmystyq kodekstiń 105-shi «Ózin-ózi óltirýge deıin jetkizý» baby boıynsha is qozǵalyp, sotqa deıingi tergeý amaldary júrgizilýde.