Almatyda №126 avtobýstyń júrgizýshisi 23 jastaǵy qyzdy qaǵyp, mert qylǵan jaǵdaıǵa baılanysty oqıǵanyń mán-jaıy anyqtaldy, - dep habarlaıdy Tengrinews.kz. 

"Green Bus Company" JSHS almatylyq fılıalynyń ókilderi oqıǵanyń tańǵy 8-de Tóle bı men Ótegen batyr kósheleriniń qıylysynda bolǵanyn aıtty. 

Júrgizýshi qyzdy qaqqan kezde baǵdarshamnyń qyzyl túsine ótken moıyndapty.

"Júrgizýshiniń aıtýynsha, ol Tóle bı kóshesimen shyǵys baǵytta baǵdarshamnyń jasyl túsine ótip bara jatqanda, jolǵa qyz atyp shyqqan. Júrgizýshi dereý toqtaı almaı, qyzdy qaǵyp ketken. Alǵan jaraqatynan qyz bala oqıǵa ornynda qaza tapty. Qaıtys bolǵan qyz 1994 jylǵy ekeni anyqtaldy. Jol-kólik oqıǵasyniń mán-jaıyn jol polısıa qyzmetkerleri aınalysyp jatyr. Sonymen qatar, bizde tehnıkalyq tustaryn anyqtap, tekserý júrgizip jatyrmyz", - dedi "Green Bus Company" JSHS almatylyq fılıalynyń dırektory Baýyrjan Qulyshev. 

Onyń málimetinshe, avtobýs tizgininde OQO týmasy 1977 jylǵy Jánibekov Ánýar Muqanuly bolǵan. 2016 jyly 12 qazanda ol "Green Bus Company" JSHS almatylyq fılıalynyń № 3 komýnaldyq avtobýs parkine (KAP) jumysqa turǵan. 2017 jyly 1 jeltoqsanda № 1 KAP-qa aýysqan. Jalpy eńbek ótili - jeti jyl. Úılengen, úsh balasy bar. 

"Júrgizýshi bizde istep jatqanyna eki jyl boldy. Osy kúnge deıin onyń tarapynan eshqandaı ereje buzýshylyq bolǵan emes. Biz oǵan jaqsy jaǵynan baǵa beremiz", - dedi Baýyrjan Qulyshev. 

Avtoparktegiler qaıtys boǵlan qyzdyń otbasyna kómektesýge ýáde berdi. 

"Biz jerleý rásimine ketken shyǵynnyń barlyǵyn óz moınymyzǵa alamyz. Bul bizdiń júrgizýshiniń kinási. Sondaı-aq qyzdyń otbasy saqtandyrý kompanıasynan aqsha alady", - dedi ol. 

Eske salaıyq, jol-kólik oqıǵasy búgin Tóle bı men Ótegen batyr kósheleriniń qıylysynda bolǵan. Kýágerlerdiń aıtýynsha, 126-baǵyttaǵy avtobýs júrgizýshisi Tóle bı kóshesimen shyǵys baǵytta kele jatqan.  Biraq jedel járdem kelgende áıel alǵan jaraqattarynan qaza bolǵan.