Jaqynda Qyzylordaǵa toıǵa bardym. Qudaı bergen «Semeı-Qyzylorda» poıyzy baıaǵy. Semeıden kele jatqany bar, Almatydan mingenimiz bar, vagon lyq toly. Qarap otyrmaı qasymdaǵylardan suraımyn: «Qaıda, nege bara jatsyńdar? Qaıdan, neden kele jatsyńdar?» dep. Biri «Toıǵa», endi biri «Asqa» bara jatyr. Úshinshi bireý qudalyqtan qaıtyp kele jatqan beti. Al, myna bireý betasharǵa ǵana qatysypty.

Toıdy bitirip Qyzylordadan Almatyǵa shyqtym. Munda da sol, toıǵa bara jatqandar, toıdan kele jatqandar. Ústel toly toıdyń asy. Aǵaıyndar aıamaı salyp jibergen.

Artynsha Qazyǵurttaǵy qaryndasym men kúıeý bala kelin túsiretin bolyp, sonda ushaıyn. Shymkentke poıyzǵa otyrdym. Kórshim maqtanshaq shal, esip sóılep otyr. Almatyda toıda bolypty. Toı jasaǵan Toptanyp otyrǵan ózbekter bir-birine qarap kúlip jiberdi.inisi meıramhanaǵa 500 adam shaqyrypty. «Meniń inimmen oınaǵan ekensiń?» dep, sol eki arada meni kináli qyp qoıady. Qasynda kempiri. Ekinshi bir kórshim Shymkentke besikke salarǵa asyǵýly.

Sonymen Qazyǵurttaǵy toıdy da tyndyryp, Saraǵash jaqtan avtobýsqa otyrdym. Ol jaqtan da kórgenim toıdan qaıtqan qazaqtar. Biraq olar kóp emes, jolaýshynyń deni ózbek jigitteri.

– Qaıda bara jatsyńdar, toıǵa ma? – deımin olarǵa, ádeıi ne der eken dep. – Mysaly myna men toıdan qaıtyp baramyn. Úılený toıynan.

Toptanyp otyrǵan ózbekter bir-birine qarap kúlip jiberdi.

– Toı! – dedi biri tańyrqaı sóılep, – toıy nesi? Biz tirlikke bara jatyrmyz.

– Kóktemde úılene me? Esi durys adam kúzde úılenbeı me? – deıdi ekinshisi.

Olar dý kúldi. Men de kúlip turmyn. Biraq meniń kúlkim basqa kúlki.

Nurlybek Samatuly,

Facebook áleýmettik jelisinen