Soǵdy oblystyq soty Isfar aýdanyndaǵy otbasy múshelerin terorıstik uıymǵa qosylmaq boldy degen aıyppen kináli dep tapty. Olardyń bári byltyr jyl sońynda túrik-sırıa shekarasynda ustalǵan.

Otbasynyń otanasy 71 jastaǵy Mavlúda Nasrıddınova 12 jylǵa, onyń 47 jastaǵy uly Bahodýr Nasrıddınov 17 jylǵa, 25 jastaǵy uly Haıdarhon Nasrıddınov pen otbasynyń kúıeý balasy Nasrýllohon Abdývalıev (Farzona Nasrıddınovanyń kúıeýi) 12.5 jylǵa bas bostandyqtarynan aıyryldy. Al Farzona Nasrıddınova men otbasynyń jaqyn týystary Shohına jáne Mýshohırahon Nýrıllaevtar 12 jylǵa sottalǵan.

Otbasynyń eki múshesi 16 jastaǵy Marıfat Nasrıddınova kámelettik jasqa tolmaýyna baılanysty jáne 24 jastaǵy Shohıda Nýrıllaevanyń aqyl-esiniń kemdigine baılanysty jazadan bosatylǵan.

«Olar bári 29 adam bolatyn – bir úlken otbasy. Olar Sırıaǵa úsh shaǵyn avtobýspen ketken. Eki avtobýstyń jolaýshylary túrik-sırıa shekarasynan ótip ketken. Al úshinshisi avtobýstaǵy toǵyz adam shekarada ustalǵan», - degen tergeý isine qatysy bar derekkóz.

Sot barysynda olar Sırıaǵa «jıhadqa» barmaq bolǵanyn moıyndaǵan. Óz elinde dinı bostandyqtaryna tyıym salatynyn málimdegen.