Almaty mýzeıinde Elbasynyń «Bolashaqqa baǵdar: rýhanı jańǵyrý» baǵdarlamasy aıasynda O.Tańsyqbaev atyndaǵy Almaty sándik-qoldanbaly óner kolledjiniń 80 jyldyǵyna jáne T.Júrgenov atyndaǵy Qazaq Ulttyq Óner akademıasy mektep-ınternat, kolledjiniń 30 jyldyǵyna oraı «Sheber qoldar» taqyrybynda aǵash oıý jáne zergerlik buıymdar baıqaýy, sondaı-aq, osy baǵytta sheberlik sabaqtary ótti.
Bul baıqaý jańa talanttardy ashý, sándik-qoldanbaly ónerdi súıetin jas jetkinshekterdiń kásibı sheberligin shyńdaýyna múmkindikter týǵyzý, olardyń ıntellektýaldyq deńgeıin jetildirý, otandyq jáne álemdik óner men mádenıetke degen qyzyǵýshylyǵyn arttyrý maqsatynda uıymdastyryldy.
«Sheber qoldarǵa» Almaty qalasynyń kórkemsýret koleji stýdentteri men Ońtústik Qazaqstan oblysynyń Túrkistan qalalyq qolóner mektebi oqýshylary qatysty. Jastardyń túrli taqyryptaǵy jumystary birinen-biri ótedi: bárinde de júrek bar, sezim, shabyt, otanshyldyq rýh bar. Jas óner ıeleriniń buıymdaryna O.Tańsyqbaev atyndaǵy sándik-qoldanbaly óner kolledjiniń arnaıy pán oqytýshysy M.Óskenbaı, Á.Qasteev atyndaǵy Memlekettik óner mýzeıiniń ǵylymı qyzmetkeri N.Bajenova jáne T.Júrgenov atyndaǵy Qazaq Ulttyq Óner akademıasy kolejiniń arnaıy pán oqytýshysy G.Qasteeva qazylyq etti.
İs-shara sońynda sóz alǵan Túrkistan qalalyq qolóner mektebiniń muǵalimi Q.Tasov qazaqtyń qolónerin nasıhattap, jastardyń umtylysyn oıatatyn, tájirıbe almasatyn osyndaı baıqaýlar, sheberlik sabaqtary jıi uıymdastyrylsyn degen tilegin bildirdi.
Atalǵan joba 2013 jyldyń aqpan aıynan beri júzege asyrylyp keledi. Osy kezeń ishinde, demeýshilerdiń qoldaýy arqasynda «AIaLA» qory Almaty, Astana, Ereımentaý, Kókshetaý jáne Esik qalalarynda ornalasqan 10-nan astam balalar bilim mekemelerinde aǵash, temir jáne tigin sheberhanalaryn ashty.
«Sheber qoldar» jobasynyń maqsaty - balalar úıleri men mektep-ınternat balalaryna ár túli kásipterdi meńgerýge múmkindik berý.
