Almaty qalasynyń Óńirlik komýnıkasıalar qyzmetinde «Qazaqstan Respýblıkasynda tehnıkalyq retteýdegi metrologıa jáne akredıtteý júıesin jetildirý» taqyrybynda baspasóz konferensıasy ótti. Brıfıńke Qazaqstan Respýblıkasy Investısıalar mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Saýyqbek Áripuly qatysyp, belgilengen taqyryp aıasynda oı órbitti.
Qapaev Saýyqbektiń sózine súıensek, 2019 - jyl memlekettik baqylaý júıesi men sáıkestikti baǵalaý salasyn jetildirý. Tehnıkalyq retteý júıesin reformalaýdyń ekinshi kezeńiniń sheńberinde sáıkestikti baǵalaý júıesin jetildirý jumystary bastaldy, birqatar problemalyq máselelerdi sheshýdi qarastyratyn birqatar zańnamalyq aktilerge usynystar ázirlenýde:
Birinshiden, sertıfıkattaý synaqtarynyń nátıjelerine ózara senimniń tómendeýi;
Ekinshi problemalyq másele ımporttaýshylardyń «taýarlardy shartty túrde shyǵarý» kedendik rásimi arqyly sertıfıkattaýdan jaltarýy bolyp tabylady.
Tehnıkalyq retteý, onyń ishinde memlekettik baqylaý máseleleri boıynsha ahýaldy máselelerdi sheshý boıynsha júıelik sharalar qabyldaý úshin 2018 jyldyń birinshi toqsanynyń sońyna qaraı «Tehnıkalyq reteý máseleler boıynsha keıbir zańnamalyq aktilerge ózgerister men tolyqtyrýlar engizý týraly» Qazaqstan Respýblıkasy Zań jobasynyń tujyrymdamasy daıyndalady. Osy zań aktisin qabyldaý 2019 jyly aıaqtalady, - dep habarlady departament basshysy Saýyqbek Áripuly.
Óziniń quzyreti sheginde, 2017 jyly departament elektr jáne jylý energıasyn, densaýlyq saqtaý, baılanys qyzmetteri, janarmaı quıý stansıalaryn, sáıkestikti baǵalaý jáne salystyryp-tekserý zerthanalary kásiporyndarynyń qyzmetin tekserdi.
Sonymen, jyldyń qorytyndysy boıynsha 128 tekserý júrgizildi (olardyń ishindegi 53-i kestestege sáıkes iriktelip tekserý, 75-i jospardan tys shaǵymdar boıynsha tekserýler), Qazaqstan Respýblıkasynyń tehnıkalyq retteý jáne ólshem birligin qamtamasyz etý salasyndaǵy zańnamasyn buzý boıynsha 71 fakt oryn aldy, bul tekserýdiń jalpy 55% qurady,-dep atap ótti ol.
Departament Respýblıkalyq búdjetten bólingen qarajattyń sheńberinde býyp-túıý ónimderiniń 109 úlgilerin jalpy somasy 315 725,74 teńgege satyp alyp, onyń ishide 32 taýar túri naqty salmaqqa sáıkes kelmegendigin anyqtady.
Tekserýdiń qorytyndylary boıynsha aınalymnan 3381 birlik ólsheý quraldaryn qoldanýǵa jaramsyz jáne massaǵa sáıkes kelmeıtin 32 partıa ónimderin satýǵa tyıym salý týraly, sondaı-aq anyqtalǵan buzýshylyqtardy joıý týraly nusqamalar berildi.
Memleketik baqylaýdyń qorytyndysy boıynsha zań buzýshylarǵa jalpy somasy 11 mln. 617 myń. 280 teńge ákimshilik aıyppul salyndy, - dep sózin qorytyndylady Saýyqbek Áripuly.
Almaty qalasynda 969 zergerlik áshekeılerdi satýǵa tyıym salynǵan.
Bul týraly tolyq aqparatty Almaty qalasynyń Óńirlik komýnıkasıalar qyzmeti alańynda Qazaqstan Respýblıkasy Investısıalar mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Saýyqbek Áripuly málimdedi.
Onyń aıtýynsha, «Asyl tastar men baǵaly metaldar týraly» Qazaqstan Respýblıkasynyń Zańyna sáıkes, zergerlik buıymdardy satatyn 41 sharýashylyq júrgizýshi sýbektisine qatysty jospardan tys tekserýler júrgizilip jáne 36 uıymda zań buzýshylyqtar anyqtaldy, atap aıtqanda, ýákiletti uıymdardyń kodtarymen Qazaqstan Respýblıkasynyń «Barys basy» belgisi jáne halyqaralyq «KZ» biregeı abrevıatýrasy belgisi bolmaýy.
Anyqtalǵan zań buzýshylyqtarǵa sáıkes 969 zergerlik áshekeılerdi satýǵa tyıym salý týraly buzýshylyqtardy joıý nusqamalary berildi jáne jalpy somasy 6 580 100 teńge quraǵan ákimshilik aıyppuldar salyndy,-deıdi ol.
Sondaı-aq, Qazaqstan Respýblıkasynyń aýmaǵyna alyp kelinetin jáne Qazaqstan Respýblıkasy aýmaǵynan shyǵarylatyn asyl tastar, zergerlik jáne basqada buıymdardy Qazaqstan Respýblıkasynyń aýmaǵyna Eýrazıalyq Ekonomıkalyq Odaqqa kirmeıtin elderden ákelinetin operasıalardy júzege asyrý jáne Qazaqstan Respýblıkasynyń aýmaǵynan zergerlik buıymdardy osy elderge eksporttaý úshin 2017 jyly 18 zańdy tulǵalar jáne jeke kásipkerler arnaıy esepke qoıyldy.
746 098 birlik zergerlik buıymdarǵa 331 memlekettik baqylaý aktileri berildi (onyń ishinde 152 383 birlikke 267 kirgizý aktisi, 593 715 birlikke 64 shyǵarý aktisi).
Departamentpen qalanyń kásiporyndarynda jáne uıymdarynda basqarý júıelerin engizý júıesi turaqty túrde taldanyp otyrady.
Departamenttiń júrgizgen taldaý kórsetkishi boıynsha 2017 jyldyń 31 jeltoqsanyndaǵy qorytyndysyna sáıkes Almaty qalasynda 2005 kásiporynda SMJ engizdi, - dep aıtyp ótti Saýyqbek Qapaev óz sózinde.
