Qazaqstan Respýblıkasy 2018 jylǵy 27 sáýirde Phanmýndjom shekara beketinde Koreıa Respýblıkasynyń Prezıdenti Mýn Chje Inmen Koreıa Halyq Demokratıalyq Respýblıkasynyń kóshbasshysy Kım Chen Yn arasyndaǵy samıtti quptaıdy jáne koreıaralyq dıalogty jandandyrýǵa, sondaı-aq jahandyq qaýipsizdikti nyǵaıtýǵa baǵyttalǵan kelissózderdiń nátıjesin joǵary baǵalaıdy.

Qazaqstan Koreı túbegindegi jaǵdaıdy dıalog pen kelissózder arqylyretteý prosesin qoldaıdy jáne saıası-dıplomatıalyq sheshimkúrdeli halyqaralyq máselelerdi qarastyrýdaǵy jalǵyz durys amal bolyp tabylatyndyǵyna senimdi.

Qazaqstan ıadrolyq qarýsyzdandyrý tájirıbesi bar el retinde «Koreı túbeginiń beıbitshiligi, gúldenýi jáne birigýi týraly Phanmýndjom deklarasıasyn» quptaıdy jáne Koreı túbeginiń ıadrolyq qarýsyz mártebesine qol jetkizý boıynsha eki eldiń ýaǵdalastyǵyn tolyq qoldaıdy.

Osy jyldyń basynan beri eki Koreıaarasyndaǵy belsendi dıalog koreıaralyqsammıt jáne Phenánnyń ıadrolyq synaqtardan jáne zymyrandardy ushyrýdan bas tartýy sıaqty aıtarlyqtaı nátıjelerge jetkizdi.

Osyturǵyda, eń iri ıadrolyq synaq polıgonyn jabý, ıadrolyq arsenaldan bas tartý, tıisti áskerı ınfraqurylymdy joıý, IaQTSH men Iadrolyq synaqtarǵa jappaı tyıym salý týraly shartty iske asyryp, ilgeriletýge qatysý týraly Qazaqstannyń sheshimi elimizdiń tabysty jáne turaqty damýynyń kepiline, belsendi syrtqy saıası baǵyttyń negizine jáne aımaqtyq qaýipsizdiktiń mańyzdy faktorlarynyń birine aınalýy úlgili jaǵdaı bolyp tabylady.