2018  jyldyń 22-24 mamyr kúnderi XV Eýrazıalyq Medıa Forým ótedi. Bıylǵy Forým Almaty qalasyndaǵy The Ritz Carlton otelinde bolady.

İs-shara jyl saıyn álemniń alpystan astam memleketinen halyqaralyq jáne qazaqstandyq BAQ ókilderin, saıasatkerler men sarapshylardy bir alańǵa jınap keledi.

Osy jolǵy Forýmnyń hedlaınerleri retinde Italıanyń eks Premer-mınıstri Mateo Rensı men Barak Obamanyń komýnıkasıalar jónindegi keńesshisi Rodjer Fısk qatysatynyn rastady. 

«Evolúsıanyń 15 jyly: álem qalaı ózgeredi jáne bizdi qalaı ózgertedi» taqyrybyndaǵy Forýmnyń «Halyqaralyq qarym-qatynastar evolúsıasy» sesıasynda Italıanyń eks Premer-mınıstri Mateo Rensı basty spıker bolady. Sesıa moderatory – TASS bas dırektory Mıhaıl Gýsman.

Barak Obamanyń komýnıkasıalar jónindegi keńesshisi Rodjer Fısk «Aqparattyq tehnologıalar evolúsıasy: naqty derekten feık jańalyqtarǵa. Alańdaýymyz qajet pe?» sesıasynyń basty spıkeri bolyp tabylady.

Sonymen qatar, Forým qonaqtaryn qyzyqty pikirtalas alańy,  mańyzdy taqyryptar, mazmundy áńgime, spıkerlerdiń tanymal shoǵyry kútedi.

Eýrazıa medıa forýmy 3 kún ótedi. Jıynda 7 plenarlyq sesıa bolady. Sondaı-aq, álemdik sarapshylar sheberlik dárisine bir kúndi arnalady.