Úkimet qaýlysymen Áset Qabıuly Qurmanǵalıev QR Qorǵanys jáne aeroǵarysh ónerkásibi vıse-mınıstri qyzmetinen bosatyldy dep habarlaıdy Qamshy.kz aqparat agenttigi QR Premer-mınıstiriniń baspasóz hatshylyǵyna silteme jasap.

 Dırektorlar keńesiniń sheshimimen ol  «Qazaqstan Injınırıń» UK» AQ basqarma tóraǵasy laýazymyna taǵaıyndaldy.

Áset Qurmanǵalıev 1965 jyly Qaraǵandy oblysynda dúnıege kelgen. 1993 jyly Bóketov atyndaǵy Qaraǵandy memlekettik ýnıversıtetin «zańger» mamandyǵy boıynsha támamdaǵan.

Eńbek jolyn 1983 jyly bastaǵan. Ár jyldary memlekettik organdar qurylymy men komersıalyq kásiporyndarda qyzmet etken.  

1998 jyly QR Qorǵanys mınıstrliginiń Qujattaý departamentiniń quqyqtyq qamtamasyz etý qyzmetiniń ofıseri bolyp taǵaıyndalǵan.

1998–2005 jyldary QR qorǵanys mınıstriniń apparatynda jumys istedi.

2005–2008 jyldary — QR Qorǵanys mınıstrliginiń zań departamentiniń basshysy.

2008–2009 jyldary «Nur Otan» HDP» QB-de: ortalyq apparattyń zań departamentiniń dırektory, QR Parlamenti Májilisindegi «Nur Otan» fraksıasynyń apparat basshysy bolyp eńbek etken.

2009 jyly — QR Qorǵanys mınıstrliginiń apparat basshysy, alqa hatshysy.

2010–2011 jyldary QR qorǵanys mınıstriniń orynbasary qyzmetin atqardy.

2011–2017 jyldary «Qazarnaýlyeksport» RMK bas dırektorynyń ý.m.a., bas dırektory, Astana qalasy Aýyl sharýashylyǵy basqarmasynyń basshysy qyzmetterin atqarǵan.

2017 jyldan bastap QR qorǵanys jáne aeroǵarysh ónerkásibi vıse-mınıstri laýazymyn atqardy.