Búgin Rıadta Saýd Arabıa Koróldiginiń Islam isteri boıynsha mınıstri Sheıh Salıh bın Abdýl Ázız bın Mýhammed Ál-SHeıh Qazaqstannyń Bas múftıi Serikbaı qajy Oraz bastaǵan delegasıany qabyldady, dep habarlaıdy Qamshy.kz aqparat agenttigi QMDB baspasóz qyzmetine silteme jasaı otyryp.

Kezdesý barysynda Mınıstr Koróldik pen Qazaqstan arasyndaǵy qarym-qatynastyń aıryqsha ekendigin atap, osy sapardyń ózi eki baýyrlas eldiń arasyndaǵy erekshe qarym-qatynasty qýattaı túsetindigin tilge tıek etti.

Óz kezeginde, Bas múftı Serikbaı qajy Satybaldyuly Qazaqstan men Koróldik arasyndaǵy ár túrli: mádenı jáne dinı salalardaǵy yntymaqtastyqqa alǵysyn bildirip, osy qatynastardyń búginde nyǵaıyp, damı túskendigin atady. Sonymen qatar, Ál-SHeıhti Qazaqstanda ótetin «Álemdik jáne dástúrli dinder lıderleriniń sezine» qatysýǵa shaqyrdy.

Birqatar mańyzdy máseleler boıynsha pikir almasqan taraptar kezdesý sońynda ózara estelik-syılaqtarmen almasty.