«Samuryq-Qazyna» UÁQ » AQ Basqarma tóraǵasy Ahmetjan Esimov Qordyń qorjyndyq kompanıalarynyń basshylarymen keńes ótkizdi, dep habarlaıdy Qamshy.kz aqparat agenttigi «Samuryq-Qazyna»UÁQ» AQ Qoǵammen baılanys departamentine silteme jasaı otyryp.

Jıyn barysynda birqatar kompanıalardyń qyzmeti, qarjylyq jaǵdaıy jáne damý baǵdarlamalaryn júzege asyrý máseleleri qarastyryldy.

Ahmetjan Esimov Qanat Qudaıbergenovti «Taý-ken-Samuryq» AQ-nyń Basqarma tóraǵasy retinde tanystyrdy.  Qanat Qudaıbergenov 2016 jyldan bastap 2018 jylǵa deıin «Qarataý» JSHS jáne «Qazatomprom» UAK»AQ Bas dırektory qyzmetinde jumys istedi, sondaı-aq, 2018 jyldyń sáýir aıynan bastap «Taý-ken-Samuryq» AQ-nyń Basqarma tóraǵasy mindetin atqardy. Sonymen qatar, Qanat Qudaıbergenovke «Taý-ken-Samuryq» AQ-nyń uıymdyq qurylymyn retteý tapsyryldy. Esterińizge sala keteıik, burynǵy Basqarma tóraǵasy Májıt Turmaǵambetovtyń kelisim-shart merzimi aıaqtaldy jáne odan ári  uzartylmady. 

Ahmetjan Esimov «Samuryq-Energo» AQ Basqarma tóraǵasynyń ekonomıka jáne qarjy jónindegi basqarýshy dırektory  Q. Maqsutovty qyzmetinen bosatýdy, sonymen birge «Samuryq-Energo» AQ Basqarma tóraǵasy A. Satqalıevke sógis jarıalaýdy jáne jyldyq bonýstaryn alyp tastaýdy buıyrdy.

Keńes barysynda Ahmetjan Esimov «KEGOC» AQ Qarjy jáne esepke alý jónindegi basqarýshy dırektory A. Botabekovke tártiptik jaýapkershilikke tartýdy tapsyrdy.

Qor basshysy IPO sátti shyǵý úshin jolaýshylar aınalymy, kiris jáne taza tabys boıynsha josparlanǵan kórsetkishterge qol jetkizýdi, qorjyndyq kompanıalarda transformasıalaý baǵdarlamasy boıynsha jol kartalaryn bekitýdi tapsyrdy  .

Sonymen qatar jıynda Qor tobyndaǵy kompanıalar qyzmeti boıynsha basqa máseleler qarastyryldy.